Texnologiyalar
O‘zbekiston Davlat jahon tillari universiteti xalqaro jurnalistika fakulteti tashabbusi bilan an’anaviy tarzda o‘tkazib kelinayotgan “Zamonaviy elektron ommaviy axborot vositalarining taraqqiyot tendensiyalari” mavzuidagi ilmiy-amaliy konferensiya bo‘lib o‘tdi. Unda O‘zbekiston jurnalistlari ijodiy uyushmasi, O‘zbekiston mustaqil bosma OAV va axborot agentliklarini qo‘llab-quvvatlash va rivojlantirish jamoat fondidan vakillar, O‘zbekiston Milliy universiteti, O‘zbekiston jurnalistika va ommaviy kommunikatsiya universiteti, Qirg‘iziston Respublikasi O‘sh davlat universiteti professor-o‘qituvchilari, talabalar ishtirok etishdi.
Konferensiyada qiziqarli ma’ruzalar, bahsli fikr-mulohazalar bo‘ldi. O‘zbekistonda xizmat ko‘rsatgan yoshlar murabbiysi Saydi Umirov, faxriy telejurnalist Marat Asadullayev, “Amerika ovozi” teleradiosi jurnalisti Navbahor Imomova, akademik Tursunali Qo‘ziyev, dotsent Iroda Ismoilova, magistr Nilufar Ahmedova, bo‘lajak jurnalist Ayjamol Joldasbayeva, filologiya fanlari doktori Yoqutxon Mamatova, O‘zbekiston jurnalistlari ijodiy uyushmasi raisi o‘rinbosari Xolmurod Salimov konferensiyada faol ishtirok etdilar. Konferensiyada zamonaviy elektron ommaviy axborot vositalarining muhim muammolari o‘rtaga tashlandi, bahslashildi, taklif va tavsiyalar ishlab chiqildi.
O'zDJTU Matbuot xizmati
Endilikda uzswlu.uz domeniga ega O’zbekiston davlat jahon tillari universiteti foydalanuvchilari SCOPUS hamda ScienceDirect ma’lumotlar bazasidan ochiq foydalana olish imkoniyatiga ega bo’ldilar.
Buning uchun Foydalanuvchilar ro’yhatdan o’tishi va kerakli manbaga so’rov (zapros) berishi kifoya.
Videoda ro’yxatdan o’tish va ma’lumot izlash va yuklab olish tartibi ko’rsatilgan
Manba: www.fledu.uz
2021-yilning 31-mart kuni O‘zDJTU markaziy binosida Dasturiy mahsulotlar va axborot texnologiyalari texnologik parki (IT PARK) bilan hamkorlikda Forsayt inkubatsiya va akseleratsiya markazining ochilish marosimi bo‘lib o‘tdi.
Markazning ochilish marosimida Axborot texnologiyalari va kommunikatsiyalarini rivojlantirish vazirligi, Oliy va o‘rta maxsus ta’lim vazirligi, Toshkent shahar hokimligi, dasturiy mahsulotlar va axborot texnologiyalari texnologik parki vakillari, faxriy mehmonlar va faol qiziquvchi yoshlar ishtirok etishdi.
Markaz maqsadi — chet tillarni o‘qitish va ta’lim yo‘nalishida sog‘lom startap ekotizimini yaratish, qolaversa, biznes g‘oya va ilmiy innovatsion ishlanmalarni saralash, iste’dodlarni kashf qilish va ularni qo‘llab-quvvatlash, ta’lim va ishlab chiqarishda mavjud muammolarga innovatsion yechim topishga ko‘maklashish. Shuningdek, yoshlar orasida startap loyihalarga qiziqishni o‘yg‘otish hamda ular orqali ta’lim va ishlab chiqarish integratsiyasini ta’minlash.
Bugun, 9-aprel kuni O‘zbekiston davlat jahon tillari universitetida “Xorijiy tillarni o‘qitishda baholash: yutuqlar, muammolar va yechimlar” mavzusidagi xalqaro ilmiy-amaliy konferensiyasi tashkil etildi.
Konferensiyada AQShning O’zbekistondagi elchisi Daniel Rozenblum, O’zDJTU rektori Azizov Ulug’bek Botirovich, Xalq ta’limi vazirligi huzuridagi Respublika ta’lim markazi direktori Shuhrat Sattorov, O’zDJTU qoshidagi Chet tillarni o‘qitishning innovatsion metodikalarini rivojlantirish respublika ilmiy-amaliy markazi direktori Rivojiddin Karimov kirish nutqi bilan ishtirok etdi.
Konferensiyaning ochilish marosimida AQShning O’zbekistondagi elchisi Daniel Rozenblum janoblari so’zga chiqib, o’z kirish nutqida: “O’QITUVCHI SHARAFLI KASB!”, — deya alohida ta’kidlab o’tdi. Shuningdek, u o’z nutqida “Ingliz tili yoshlar uchun butun dunyoni ochib beradi”, — deb ingliz tilining bugungi kundagi ahamiyatini aytib o’tdi.
Konferensiyada respublikamizning 12 viloyatidan oliy, o‘rta maxsus va xalq ta’limi tizimida faoliyat yuritayotgan 100dan ortiq malakali chet tili o‘qituvchilari, ilmiy tadqiqotchilar, shuningdek, AQSh elchixonasining ta’lim va madaniyat masalalari bo‘yicha maslahatchisi Joan Kramb, AQShlik 20dan ortiq ingliz tili mutaxassislari, Gyote instituti va boshqa bir qator xalqaro tashkilotlar hamda xorijiy universitetlar vakillari ishtirok etmoqda.
Konferensiya 2021-yil 9-10 aprel kunlarida O‘zbekiston Respublikasi Oliy va o‘rta maxsus ta’lim vazirligi, O‘zDJTU, Chet tillarni o‘qitishning innovatsiyaviy metodikalarini rivojlantirish Respublika ilmiy-amaliy markazi va AQShning O‘zbekistondagi elchixonasi hamkorligida tashkil etilmoqda.
