Tabriknomalar
Куни кеча Ўзбекистон давлат жаҳон тиллари университети илмий салоҳиятини оширишга ҳисса қўшувчи воқеа бўлди. Университет докторантлари:
Ø Шохида АБДУЛЛАЕВА Норқуловна (филология фанлари доктори, профессор, М.Д.Джусупов илмий раҳбарлигида) “Ғазначилик соҳасида қўлланиладиган молиявий-иқтисодий терминларнинг чоғиштирма тадқиқи (инглиз, ўзбек, рус тиллари мисолида)” мавзусида
ҳамда
Ø Шахноза ОДИЛОВА Рахимовна (филология фанлари доктори, профессор А.С.Лиходзиевский илмий раҳбарлигида) “XX-XXI аср АКШ адабиётида сентиментал ишкий романлар (Нора Робертс ижоди материали асосида)” мавзусида филология фанлари бўйича фалсафа доктори (PhD) илмий даражасини олиш учун ёзилган диссертацияларини ҳимояси қилишди.
Университет жамоаси номидан уларни чин қалбдан табриклаб, келгусидаги илмий изланишларида муваффақият тилаймиз. Илмнинг янгидан янги чўққиларини эгаллашда омад ёр бўлсин!
ЎзДЖТУ Матбуот хизмати
Ўзбекистон давлат жаҳон тиллари университети раҳбарияти ҳамда профессор-ўқитувчилар ва талабалар жамоалари 2018-2019 ўқув йили учун давлат стипендиялари совриндорларини чин қалбдан табриклаб, келгусидаги илмий изланишларида муваффақият тилайди. Келгусида илмий тадқиқотлар олиб боришлари ва муваффақиятнинг янгидан янги чўққиларни эгаллашда омад ёр бўлсин!
ЎзДЖТУ Матбуот хизмати
Qadrli do‘stlar!
Aziz hamkasblar!
Universitetimizning ahil jamoasi va talabalarini qutlug‘ qadamlari bilan kirib kelayotgan yangi — 2019 yil bilan chin qalbdan samimiy tabriklayman.
Yakuniga yetib borayotgan yilni kuzatar ekanmiz, yil davomida bosib o‘tgan yo‘limizni va ro‘y bergan voqealarni, qo‘lga kiritilgan yutuqlarni shukronalik bilan ko‘z o‘ngimizdan o‘tkazamiz. Shubhasiz, 2018 yil biz uchun samarali va xosiyatli yil bo‘ldi, deb aytish uchun to‘liq asoslarimiz bor. Ozod va obod maskanga aylanib borayotgan O‘zbekistonimizda amalga oshirilayotgan izchil islohotlar va oqilona siyosat samaradorligi – xalqimiz turmush tarzini yangi bosqichga ko‘tarish, aholini ijtimoiy himoya qilish, tinchlik-totuvlik, mustaqillikni asrab-avaylash, mislisiz bunyodkorlik ishlarida yanada yaqqol namoyon bo‘lmoqda.
Azizlar!
O‘zbekiston Respublikasining Prezidenti Shavkat Mirziyoyevning taklifi bilan yangi - 2019 yil mamlakatimizda “Faol investitsiyalar va ijtimoiy rivojlanish yili” deb e‘lon qilindi.
Demak, kirib kelayotgan yangi yil davlatimiz siyosatining bosh maqsadini, ya‘ni, inson manfaati har narsadan ulug‘, degan ezgu g‘oyani ro‘yobga chiqarish borasidagi ishlarni izchil davom ettirish, hayotimizni yanada obod va farovon etish yo‘lida yana bir ulkan qadam bo‘ladi.
Qadrli hamkasblar!
Sanoqli kunlardan keyin Yangi yil bayrami yurtimizda o‘zgacha shukuh, ko‘tarinkilik bilan o‘tadi. Fursatdan foydalanib, barchangizni yana bir bor kirib kelayotgan yangi - 2019 yil bilan muborakbod etaman. Sizlarga mustahkam sog‘lik, oilaviy baxt-saodat, Vatanimiz taraqqiyoti yo‘lidagi sharafli faoliyatingizda ulkan muvaffaqiyatlar tilayman.
Yangi yilingiz qutlug‘ kelsin!
O’zDJTU rektori G’.RAHIMOV
Азиз ва қадрдон дўстлар!
Университетимизда фаолият олиб бораётган ҳурматли ҳамкасблар, профессор-ўқитувчилар ва талабалар!
Энг улуғ, энг азиз байрамимиз бўлган Ўзбекистон Республикаси мустақиллигининг 29 йиллигини катта мамнуният билан нишонламоқдамиз. Сизларни ушбу қутлуғ кун билан чин қалбимдан самимий муборакбод этаман.
Бугунги пандемия шароитига тўғри келган ушбу умумхалқ байрамини тартибли ва карантин қоидаларига амал қилган ҳолда нишонлаш ҳар биримиздан катта масъулият талаб қилади.
Барчамиз учун синовли бўлган ушбу кунларда аввало ўзимиз ва яқинларимиз саломатлигини асрашимиз, пандемия шароитида ишлаш ва ўқишга мослашишимиз давр талаби эканлигини англамоғимиз зарур.
Университетимизда “Сен –қудрат манбаи, саодат маскани, жонажон Ўзбекистоним!” деб номланган мустақиллигимиз шиоридан келиб чиқиб, он-лайн тартибда турли маънавий тадбирлар, танлов ва тақдимотлар, конференция ва семинарлар ўтказилиши белгиланган. Барчангизни мазкур жараёнларда фаол бўлишингизни, мустақиллигимизни муносиб тарзда оила ва яқинлар даврасида нишонлашингизни сўрайман.
Ҳурматли университетимизнинг жонкуяр фидоийлари!
Барчангизга маълумки, Ўзбекистон давлат жаҳон тиллари университети нафақат мамлакатимизда балки Ўрта Осиёда ўз нуфузига эга олийгоҳ ҳисобланади. Жумладан, илмий соҳада охирги уч йилда 50 тадан ортиқ илмий иш ҳимоялари ўтказилган бўлса, шундан 35 таси айнан ўтган йили бўлиб ўтди.
Шунингдек, режа бўйича 2019 йилда 50 нафар, 2020 йилда 60 нафар, 2021 йилда эса яна 70 нафар профессор-ўқитувчиларимизнинг илмий ишларини ҳимоя қилишлари кутилмоқда.
Бугунги кунда университетда 11 нафар Зулфия номидаги Давлат мукофоти совриндорлари, 2 нафар Ўзбекистон Республикаси Президенти стипендианти, 1 нафар Ислом Каримов номидаги давлат стипендианти, 3 нафар А.Навоий номидаги давлат стипендиантлари таҳсил олмоқда.
Давлатимиз раҳбари Шавкат Мирзиёев ғояси ва ташаббуси билан ҳаётга татбиқ этилаётган “Буюк келажагимизни мард ва олижаноб халқимиз билан бирга қурамиз” тамойилига асосан мамлакатимизни модернизация қилиш, демократик ислоҳотларни чуқурлаштириш, шунингдек, республикамизда таълим тизимини такомиллаштириш орқали ҳар томонлама етук, баркамол, мустақил фикрлашга қодир, иродали, фидоий ва ташаббускор кадрларни тайёрлаш масаласи бизни ҳам масъулият билан ишлашга ундайди.
«Шарқ донишмандлари айтганидек, «Энг катта бойлик – бу ақл-заковат ва илм, Энг катта мерос – бу яхши тарбия, Энг катта қашшоқлик – бу билимсизликдир!»
Шу сабабли, ҳаммамиз учун замонавий билимларни ўзлаштириш, чинакам маърифат ва юксак маданият эгаси бўлиш, узлуксиз ҳаётий эҳтиёжга айланиши керак. Бу борада Ўзбекистон давлат жаҳон тиллари университети олдида турган бир қатор долзарб вазифалар ҳам борки, буни албатта амалга оширишда хорижий тилларни мукаммал эгаллаган жамоамиз салоҳиятига суянамиз.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ҳамда “Илм-маърифат ва рақамли иқтисодиётни ривожлантириш йили” Давлат дастурида белгиланган вазифаларни босқичма-босқич университетимиз ҳаётига татбиқ этиб бораётганимиз ҳам катта ютуғимиздир. Зеро, тараққиётга эришиш учун, хорижий тиллар ва замонавий ахборот технологияларини эгаллашимиз зарур ва шарт. Бу бизга юксалишнинг энг қисқа йўлидан бориш имкониятини беради.
Ҳурматли дўстлар, фурсатдан фойдаланиб яна бир карра барчангизни умумхалқ байрами ҳисобланган Ўзбекистон Республикаси мустақиллигининг 29 йиллиги билан яна бир бор чин қалбимдан муборакбод этаман, оилангизга тинчлик-хотиржамлик, файзу барака, бахт-саодат тилайман!
ЎзДЖТУ ректори,
Азизов Улуғбек Ботирович
