Pedagogika va psixologiya kafedrasi

Kafedra mudiri: Djurayev Dusmurod Uralovich (pedagogika fanlari doktori, professor)

Qabul vaqtlari: Dushanba-juma kunlari: 14:00-16:00

Tel.: +99894 1720080

E-mail: d.djuraev@uzswlu.uz,    jurayevd@mail.ru 

Kafedra joylashgan bino: rektorat binosi, 3-qavat, 311-xona (kafedra)

Kafedra tarkibi: Kafedrada faoliyat olib borayotgan asosiy shtatdagi 25 nafar professor-oʻqituvchilarning 3 nafari fan doktori, professor, 2 nafari fan doktori, dotsent, 6 nafar fan nomzodi, dotsent, 2 nafar PhD, dotsent v.b., 2  nafar  (PhD) katta oʻqituvchi, 1 nafar katta oʻqituvchi, 7 nafar oʻqituvchi va 2 nafar stajyor-o`qituvchilardan iborat. Kafedraning ilmiy salohiyati 62%ni tashkil etadi.

Kafedrada faoliyat olib borgan va borayotgan professor-oʻqituvchilar nafaqat universitet miqyosida, balki mamlakatimizning ijtimoiy-iqtisodiy va ma’naviy taraqqiyotida oʻz oʻrniga egadir. Jumladan, Oʻzbekiston Respublikasi parlamenti yuqori va quyi palatalari sobiq deputatlari (O.Musurmanova, H.Ibragimov, O.Jamoldinova), Vazirlar Mahkamasining mas’ul xodimlari (O.Musurmanova, T.Norbaeva), hokimlik vakillik organlari mas’ul xodimlari (F.Abdurahimova, A.Jumaev), vazirlar (Gʻ.B.Shoumarov), OTM rektorlari (H.Ibragimov, Gʻ.B.Shoumarov, R.Qodirov) prorektorlar (S.H.Fayzulina, N.Ortiqov, D.Djurayev, O.Jamoldinova, N.Mamadov), Respublika vazirlik va idoralari mas’ul rahbar-xodimlari (T.Norbaeva, O.Musurmanova, I.Haydarov, O.Jamoldinova, F.Babashev), kafedra mudirlari hamda bo`lim boshliqlari (S.Yo`ldosheva, M.Jumaniyozova, A.Shamshetova, Sh.Halilova, B.Umarov, D.Roʻziyeva, M.Abdujabbarova, S.Atahanova, I.Haydarov va b. q.) lavozimlaridagi faoliyatlari orqali mamlakatimizni jahon miqyosidagi mavqeini oshirishda oʻz ulushlarini qoʻshib keldilar va kelmoqdalar.

Shuningdek, kafedra professor-oʻqituvchilari faoliyati keng qamrovli boʻlib, mamlakatimizda yosh avlodni komil insonlar qilib tarbiyalashda ham oʻzlarining pedagogik va psixologik bilim, koʻnikma va malakalarini jamoatchilik asosidagi faoliyatlari orqali amaliyotga tatbiq etib kelmoqdalar.

Ilmiy faoliyat

Kafedra professor-o`qituvchilari tomonidan Ustoz-shogird tizimida yosh olimlar bilan ilmiy tadqiqot ishlari amalga oshirilmoqda. Xususan: “O‘zbekiston pedagogikasi tarixida ta’limni insonparvarlashtirish g‘oyalarining rivojlanishi (XIX  asr oxiri – XX asr boshlari)”; “Talabalarda kasbiy pedagogik muloqot madaniyatini rivojlantirish”; “Professor-o‘qituvchilarning psixik holatining kasbiy rivojlanish dinamikasiga ta’siri”, “Bo‘lajak ingliz tili o‘qituvchilarining kasbiy refleksiyasini pedagogik amaliyot jarayonida takomillashtirish mexanizmlari”. 2024-2025 o‘quv  yilida Azarbayjon tillar universiteti “Psixologiya” kafedrasi dotsenti J.Aliev 2025 yil aprel oyida pedagogik foaliyatni olib bordilar.

2024 yilda p.f.n., dotsent M.T.Jumaniyozova pedagogika fanlari doktori (DSc), katta o`qituvchi M.A.Miliyeva psixologiya fanlari bo`yicha falsafa doktori (PhD), 2025 yilda D.T.Polvonova psixologiya fanlari bo`yicha falsafa doktori (PhD) ilmiy darajasini, Murtozayeva Mahfuza Murtozayevna professor ilmiy unvonini oldilar.

El-Yurt Umidi Jamg'armasi loyihasining g’olibi Yo`ldasheva Shahodat Xamid qizi 2024-2025 o‘quv  yilida  kafedrada o‘qituvchi lavozimida pedagogik faoliyatini olib bormoqda. Shuningdek Yo`ldasheva Shahodat Xamid qizi ingliz tili bo`yicha C1 til sertifikatiga,  Miliyeva Muattar G`afforovna turk tili bo‘yicha B2 sertifikatiga ega.

Kafedrada quyidagi ilmiy loyhalar bajarilgan:

Davlat ilmiy-texnik dasturlar doirasida 2022-2023 yillarga mo‘ljallangan IL 21091378 raqamli, “Oliy ta’lim muassasalarida professor-o‘qituvchilarni kasbiy saralashning psixologik diagnostikasi tizimini shakllantirish” mavzusidagi innovatsion loyiha;

Davlat ilmiy-texnika dasturlar doirasida 2021-2022 yillarda bajarilgan АL-412104512 raqamli “O`zbekistonning geografik ob`ektlari uchun ko`p tildagi electron lug`at yaratish” mavzusidagi amaliy loyiha;

Belarus davlat universiteti olimlari bilan hamkorlikda Innovasion rivojlanish agentligining 88-tur, O`zbekiston – Belarus qo`shma loyihalar tanlovida ishtirok etish uchun "Jamiyat taraqqiyotining hozirgi bosqichida o`zbek va belarus talaba-yoshlarining qadriyat yo'nalishlari va motivatsiyasi: kross-madaniy psixologik tadqiqot” (Ценностные ориентации и мотивация узбекской и белорусской студенческой молодежи на современном этапе развития общества: кросс-культурное психологическое исследование)” mavzusidagi fundamental loyiha tayyorlanmoqda;

11.02.2025 yil    Xalqaro grand ilmiy-tadqiqot jamoasini tasdiqlash to‘gʻrisida DONOR/BUYURTMACHI – DVV International Nemis xalq universitetlari Assosiatsiyasi tomonidan moliyalashtirilgan “Davlat idoralari va fuqarolik jamiyati hamkorligi: inson huquqlari orqali kelajak yaratamiz” («Human Rights in Action: Championing Change with Youth and CSOs») xalqaro grandini sifatli amalga oshirilmoqda.

Ta'lim faoliyati

Pedagogika va psixologiya kafedrasi professor-o'qituvchilari tomonidan Universitet barcha ta'lim yo'nalishlarining o`zbek  va rus guruh  talabalariga quyidagi fanlar bo'yicha o'quv faoliyati olib boriladi:

Umumiy psixologiya (1-kurslar uchun);

Umumiy psixologiya (2-kurslar uchun);

Umumiy pedagogika  (3-kurslar uchun);

Umumiy pedagogika  (2-kurslar uchun);

Inklyuziv ta’lim.Gospital pedagogika (2-kurslar uchun)

Ma’naviy faoliyat

Kafedra professor-o`qituvchilari tomonidan doyimiy ravishda universitetning talabalar turar joylarida “Yangi hayot uchun, yangi Oʻzbekiston uchun!”, “Konstitutsiya – baxtimiz qomusi”, “Kasbim fahrim”, “Yoshlarning maʼnaviy-axloqiy holatiga salbiy taʼsir koʻrsatuvchi – huquqbuzarlik, giyohvandlik, axloqsizlik kabi muammolarni bartaraf etishning samarali yoʻllari”, “Internet maydonidagi maʼnaviy tahdidlar va ularga qarshi kurashishning usullari” kabi mavzularda yoshlarda sogʻlom dunyoqarashni shakllantirish, ularda axborot xurujlariga qarshi mafkuraviy immunitetni mustahkamlashga qaratilgan tadbirlar o`tkazilmoqda.

Kafedraning mahalliy va hamkor tashkilotlari:

1. O‘zbekiston Respublikasi jamoat xavfsizligi universiteti.

2. O‘zbekiston Respublikasi Ichki ishlar vazirligi malaka oshirish instituti.

3. Uchtepa tumani 107-sonli umumiy o‘rta ta’lim maktabi.

4. O‘zbekiston Badiy Akademiyasi huzuridagi Ba’diy ta’lim yo’nalishlari pedagog va mutaxassis kadrlarni qayta tayyorlash va malakasini oshirish markazi.

5. T.N.Qori Niyoziy nomidagi O‘zbekiston Pedagogika fanlari ilmiy tadqiqot instituti

6. Toshkent viloyati pedagog kadrlarini yangi metodikalarga o`rgatish milliy markazi.

7.  Andijon davlat pedagogika instituti

8. Xo‘ja Ahmad Yassaviy nomidagi xalqaro qozoq-turk universiteti.

9. Azarbayjon tillar universiteti.

10. Akademik A.Kuatbekov nomidagi xalqlar do‘stligi universiteti.

11. Toshkentdagi Koreya Respublikasi elchixonasi qoshidagi ta’lim markazi

Kafedra professor-о‘qituvchilari: