Universitet haqida

O'zbekiston Respublikasi Prezidentining 1992 yil 12 maydagi 401-raqamli Farmoni bilan 1992 yilning 15 iyunida Toshkent davlat chet tillar pedagogika instituti bilan Respublika rus tili va adabiyoti pedagogika institutlari negizida O'zbekiston davlat jahon tillari universiteti tashkil etildi. Universitetda ingliz, nemis, fransuz, ispan, rus, xitoy filologiyasi, xalqaro jurnalistika, tarjima nazariyasi va amaliyoti ta'lim yo'nalishlari hamda mutaxassisliklari bo'yicha umumiy hisobda 7073 nafar talaba tahsil oladi. Universitetda 8 fakultet (1- va 2-ingliz filologiyasi, nemis filologiyasi, fransuz filologiyasi, ispan filologiyasi, rus filologiyasi, tarjimonlik, xalqaro jurnalistika) va 41 kafedra mavjud. Talabalarga 21 fan doktori, 124 fan nomzodi, 240 nafar katta o'qituvchi, 347 nafar o'qituvchi ta'lim beradi. Universitet qoshida Respublika til o'qitish markazi, 1-, 2-, 3- xorijiy tillar akademik litseylari, tayyorlov kurslari, malaka oshirish markazi faoliyat ko'rsatmoqda. Tili o'rganilayotgan davlatlar bilan hamkorlikda 20 ta axborot-resurs markazi tashkil etilgan.
Universitetda aspirantura va doktorantura bo'limlari mavjud.
Universitetda 720 o'rinli 3 talabalar turar joyi, 3 zamonaviy sport zali, 2 stadion, 7 axborot-resurs markazi va o'quv zallari hamda Toshkent dengizi sohili va Xumsonda dam olish maskanlari bor.
Oliy ta'lim muassasasida ingliz, nemis, fransuz, ispan, rus, arab, golland, grek, ibroniy, indonez, italyan, koreys, lotin, malay, turk, urdu, fors, xitoy, yapon, hind tillari, umuman 22 til o'qitiladi.
O'zbekiston davlat jahon tillari universitetida 35 dan ortiq millat vakillari tahsil oladilar.