12 soatlik “Oliy ta’limda ta’lim jarayonini rejalashtirish va metodik ta’minot: zamonaviy yondashuvlar” qisqa muddatli kurs O‘zbekiston Respublikasi Vazirlar Mahkamasining 2024-yil 11-iyuldagi 415-sonli qarori hamda Oliy ta’lim, fan va innovatsiyalar vazirining 2025-yil 22-avgustdagi 321-sonli buyrug‘i (“Oliy ta’lim tashkilotlari va akademik litseylarda 2025/2026-o‘quv yiliga tayyorgarlik ko‘rish chora-tadbirlari to‘g‘risida”) ijrosini ta’minlash maqsadida tashkil etildi.

Kurs O‘zbekiston davlat jahon tillari universiteti hamda O‘zDJTU huzuridagi Pedagog kadrlarni qayta tayyorlash va malakasini oshirish tarmoq markazi hamkorligida kafedra mudirlari va professor-o‘qituvchilar uchun yo‘lga qo‘yildi. 4 kunlik intensiv mashg‘ulotlar davomida tinglovchilar ta’lim jarayonini samarali tashkil etish, metodik hujjatlar bilan ishlash, baholash va attestatsiya tartiblarini zamonaviy talablar asosida yo‘lga qo‘yishga oid chuqur nazariy va amaliy bilimlarga ega bo‘ldilar.

Kurs yakunida barcha tinglovchilarga rasmiy sertifikatlar topshirildi. Shuningdek, mashg‘ulotlarda faol ishtirok etgan ma’ruzachilar – tajribali amaliyotchilar, o‘quv-uslubiy rahbarlar va metodistlarga minnatdorchilik bildirildi.

Tadbirda O‘zbekiston davlat jahon tillari universiteti rektori, professor Ilxomjon Tuxtasinov ishtirok etib, tinglovchilarning o‘quv jarayonidagi faol ishtiroki, metodik tafakkuri va yangi o‘quv yiliga puxta tayyorgarlik ruhini alohida e’tirof etdi.

Kurs yakuni rasmiy sertifikatlar topshirish, esdalik fotosuratlar hamda samimiy fikr-mulohazalar bilan yakunlandi. Tinglovchilar mazkur amaliy kurs uchun minnatdorlik bildirib, bunday ta’lim shakllari muntazam tashkil etilishini istab qolishdi