“Ikkinchi chet tili” kafedrasi

Kafedra mudiri: Maxamadaliyev Xislatxon Matlabovich

Fakultet tarixi: “Ikkinchi chet tili” kafedrasi O‘zbekiston davlat jahon tillari universiteti Kengashining 2021 yil “29” avgustdagi qaroriga muvofiq tashkil qilingan.

2021–2022 o‘quv yilidan boshlab filologiya fanlari nomzodi, dotsent Maxamadaliyev Xislatxon Matlabovich kafedra mudiri sifatida faoliyat olib kelmoqda. Kafedra tomonidan o‘qitiladigan ingliz tili, fors tili,  turk tili, hind tili, malay tili, grek tili, indonez tili  kabi fanlarni o‘qitishdan maqsad: ixtisosligi bo‘yicha tahsil olayotgan talabalarga mazkur fanlar borasida umumiy amaliy tushunchalar berish, tillarni o‘rganishga qobiliyati bor yoshlarda dastlabki fundamental tushunchalarni hosil qilish va rivojlantirish hisoblanadi. Chet til sohasida to‘plangan amaliy bilimlarni kundalik hayot davomida qo‘llay bilish qobiliyatini shakllantirish va rivojlantirish kafedra professor-o‘qituvchilarining muhim vazifasidir.

Kafedra qoshida professor-o‘qituvchilar tomonidan “Reading Club”, “Speking club”  va “English For Beginners" to‘garaklari tashkil etilgan va bugungi kunda faoliyat olib bormoqda. Ushbu to‘garaklarda amaliy ingliz tili haqida qo‘shimcha ma’lumotlar talabalarga o‘rgatib kelinmoqda.

Kafedra tarkibi: kafedrada 61 nafar o‘qituvchi faoliyat yuritadi. Shundan 47 kishi asosiy shtatda, 8 kishi ichki va 6 kishi tashqi o’rindosh sifatida faoliyat ko’rsatadi.

Kafedradaning ustuvor yo‘nalishlari

• Barcha ta’lim yo‘nalishlari bo‘yicha o‘tiladigan fanlarning o‘quv-uslubiy ta’minotini yaratish va ularni zamonaviy axborot kommunikatsion texnologiyalar asosida talabalarga yetkazish;
• Kafedrada o‘qitiladigan fanlar doirasida xorijda nashr qilingan adabiyotlarning doimiy monitoringini olib borish;
• Ta’limning yangi innovatsion texnologiyalarini joriy etishga, talabalar va o‘qituvchilarni ilmiy tadqiqot o‘tkazishga jalb etish. 

Kafedraning ilmiy va uslubiy faoliyati

Kafedra professor-o’qituvchilari tomonidan xalqaro miqyosidagi SCOPUS, WEB OF SCIENCE, IMPACT FACTOR jurnallarida 100 dan ortiq ilmiy maqolalar chop ettirishgan. Xalqaro va Respublika OAK tomonidan tan olingan jurnallarda 80 dan ortiq ilmiy maqolalar chop ettilgan hamda kafedra professor-o’qituvchilari konferensiya va anjumanlarida o’z maqolalari bilan ishtirok etishyapti.

Kafedra a’zolari tomonidan 4 ta darslik, 5 ta o’quv qo’llanma, 10 ta o’quv uslubiy qo’llanma va 3 ta lug’atlar tayyorlangan va nashr ettilgan.

Kafedra professor-o’qituvchilari o’z bilim va malakalarini oshirish maqsadida 8 ta APTIS, 5 ta CEFR chet tilini bilish  (C1), 15 ta TESOL sertifikatlarini qo’lga kiritishdi.

Kafedraning ilmiy salohiyatini oshirish borasidagi rejalar:

2023 yilda kafedrada 6 ta himoya ishi reja qilingan:

1. Yakubova Noira – mustaqil tadqiqotchi

2. Usmanova Lobar – mustaqil tadqiqotchi

 3. Abduxalilova Gulbahor - mustaqil tadqiqotchi

4. Umarov O’tkur - mustaqil tadqiqotchi

5. Xaydarova Iroda - mustaqil tadqiqotchi

6. Avezova Nigora - mustaqil tadqiqotchi

Kafedra professor-o‘qituvchilari: