PEDAGOGIKA VA PSIXOLOGIYA KAFEDRASI

DJURAYEV DUSMUROD URALOVICH

Lavozimi va unvoni: Kafedra mudiri, pedagogika fanlari doktori, dotsent

Qabul vaqtlari: Dushanba-juma kunlari: 14:00-16:00

Tel.: +99894 1720080

E-mail: d.djuraev@uzswlu.uz,    jurayevd@mail.ru 

Kafedra joylashgan bino: rektorat binosi, 3-qavat, 311-xona

Kafedra tarkibi: Kafedrada faoliyat olib borayotgan asosiy shtatdagi 22 nafar professor-oʻqituvchilarning 5 nafari fan doktori bo`lib ulardan 2 nafari professor va 3 nafari dotsent ilmiy unvoniga ega; 8 nafar fan nomzodi, dotsentlar,  3 nafar katta oʻqituvchi, 2 nafar oʻqituvchi va 4 nafar stajyor-o`qituvchilardan iborat.

Kafedrada faoliyat olib borgan va borayotgan professor-oʻqituvchilar nafaqat universitet miqyosida, balki mamlakatimizning ijtimoiy-iqtisodiy va ma’naviy taraqqiyotida oʻz oʻrniga egadir. Jumladan, Oʻzbekiston Respublikasi parlamenti yuqori va quyi palatalari sobiq deputatlari (O.Musurmanova, H.Ibragimov, O.Jamoldinova), Vazirlar Mahkamasining mas’ul xodimlari (O.Musurmanova, T.Norbaeva), hokimlik vakillik organlari mas’ul xodimlari (F.Abdurahimova, A.Jumaev), vazirlar (Gʻ.B.Shoumarov), OTM rektorlari (H.Ibragimov, Gʻ.B.Shoumarov, R.Qodirov) prorektorlar (S.H.Fayzulina, N.Ortiqov, D.Djurayev, O.Jamoldinova, N.Mamadov), Respublika vazirlik va idoralari mas’ul rahbar-xodimlari (T.Norbaeva, O.Musurmanova, I.Haydarov, O.Jamoldinova, F.Babashev), kafedra mudirlari hamda bo’lim boshliqlari (S.Yo’ldosheva, M.Jumaniyozova, A.Shamshetova, Sh.Halilova, B.Umarov, D.Roʻziyeva, M.Abdujabbarova, S.Atahanova, I.Haydarov va b. q.) lavozimlaridagi faoliyatlari orqali mamlakatimizni jahon miqyosidagi mavqeini oshirishda oʻz ulushlarini qoʻshib keldilar va kelmoqdalar.

Shuningdek, kafedra professor-oʻqituvchilari faoliyati keng qamrovli boʻlib, mamlakatimizda yosh avlodni komil insonlar qilib tarbiyalashda ham oʻzlarining pedagogik va psixologik bilim, koʻnikma va malakalarini jamoatchilik asosidagi faoliyatlari orqali amaliyotga tatbiq etib kelmoqdalar.

Ilmiy faoliyat

Kafedra professor-o`qituvchilari tomonidan Ustoz-shogird tizimida yosh olimlar bilan ilmiy tadqiqot ishlari amalga oshirilmoqda. Xususan: O‘zbekiston pedagogikasi tarixida ta’limni insonparvarlashtirish g‘oyalarining rivojlanishi  (XIX  asr oxiri – XX asr boshlari); Talabalarda kasbiy pedagogik muloqot madaniyatini rivojlantirish; Professor-o‘qituvchilar kasbiy kamolotining psixologik xususiyatlari.

Kafedrada quyidagi ilmiy loyhalar bajarilgan:

Davlat ilmiy-texnik dasturlar doirasida 2022-2023 yillarga mo‘ljallangan IL 21091378 raqamli, “Oliy ta’lim muassasalarida professor-o‘qituvchilarni kasbiy saralashning psixologik diagnostikasi tizimini shakllantirish” mavzusidagi innovatsion loyiha;

Davlat ilmiy-texnika dasturlar doirasida 2021-2022 yillarda bajarilgan АL-412104512 raqamli “O`zbekistonning geografik ob`ektlari uchun ko`p tildagi electron lug`at yaratish” mavzusidagi amaliy loyiha;

Davlat ilmiy-texnik dasturlar doirasida Turkiya davlati bilan xamkorlikda bajarilishi 2024-2026 yillarga rejalashtirilgan AL-7523011084 raqamli “Germaniya fondlarida saqlanayotgan turk va o‘zbek (chig‘atoy) qo‘lyozmalarining hamkorlikda kompleks tadqiqi” mavzusidagi amaliy loyiha Turkiyalik xamkorlar tomonidan ma’qullangan bo‘lib, Innovasion rivojlanish agentligi qoshidagi ITK muhokama jarayonida.

2024 yil 6 yanvar kuni kafedra dotsenti, p.f.n. M.T.Jumaniyozova pedagogika fanlari doktori (DSc) ilmiy darajasini tasdiqlovchi diplomni, kafedra o`qituvchisi Saparov Murod Yuldashevich psixologiya fanlari bo`yicha falsafa doktori (PhD) diplomini oldilar.

Ta'lim faoliyati

Pedagogika va psixologiya kafedrasi professor-o'qituvchilari tomonidan Universitet barcha ta'lim yo'nalishlarining o`zbek  va rus guruh  talabalariga quyidagi fanlar bo'yicha o'quv faoliyati olib boriladi:

Umumiy psixologiya (1-kurslar uchun);

Umumiy psixologiya (2-kurslar uchun);

Umumiy pedagogika  (3-kurslar uchun);

Uzluksiz ta`lim pedagogikasi (2, 3-kurslar uchun);

Bolalar psixologiyasi (3-kurslar uchun);

Bolalar pedagogikasi (3-kurslar uchun);

Psixologiya (2-kurslar uchun).

Ma’naviy faoliyat

Pedagogika va psixologiya kafedrasi professor-o`qituvchilari tomonidan doyimiy ravishda universitetning talabalar turar joylarida “Yangi hayot uchun, Yangi Oʻzbekiston uchun!”, “Konstitutsiya – baxtimiz qomusi”, “Kasbim fahrim”, “Yoshlarning maʼnaviy-axloqiy holatiga salbiy taʼsir koʻrsatuvchi – huquqbuzarlik, giyohvandlik, axloqsizlik kabi muammolarni bartaraf etishning samarali yoʻllari”, “Internet maydonidagi maʼnaviy tahdidlar va ularga qarshi kurashishning usullari” kabi mavzularda yoshlarda sogʻlom dunyoqarashni shakllantirish, ularda axborot xurujlariga qarshi mafkuraviy immunitetni mustahkamlashga qaratilgan tadbirlar o`tkazilmoqda.

Kafedraning hamkor tashkilotlari:

1. Oʻzbekiston Respublikasi Oliy ta`lim, fan va innovatsiyalar vazirligi huzuridagi Oliy ta’lim tizimi pedagog va rahbar kadrlarini qayta tayyorlash va ularning malakasini oshirishni tashkil etish Bosh ilmiy-metodik markazi.

2. Oʻzbekiston davlat jahon tillar universiteti qoshidagi akademik litsey.

3. Toshkent hodimlarni boshqarish va mehnatni muhofaza qilish kolleji.

4. Chilonzor tumani 178-ixtisoslashtirilgan davlat umumta’lim maktabi.

5. OʻzMU qoshidagi Sirojiddinov nomli akademik litsey.

6. Toshkent davlat transport universiteti.

7. Buxoro davlat universiteti.

8. Samarqand davlat universiteti.

9. Respublika bolalar ijtimoiy moslashuvi markazi.

10. Yunusobod tumani 58-sonli umumiy oʻrta ta’lim maktabi.

11. Chilonzor tumani 202-sonli umumiy oʻrta ta’lim maktabi.

12. Uchtepa tumani 81-sonli umumiy oʻrta ta’lim maktabi.

13. Toshkent viloyati pedagog kadrlarini yangi metodikalarga o`rgatish milliy markazi.

Kafedraning xalqaro hamkorlari:

1. Yujniy federal universiteti (Rossiya).

2. M.V.Lomonosov nomidagi Moskva davlat universiteti Toshkent filiali.

3. L.N.Gumilyov nomidagi Evroosiyo milliy universiteti (Qozog`iston).

Kafedra professor-о‘qituvchilari: