XITOY TILI NAZARIYASI VA AMALIYOTI KAFEDRASI

Kafedra mudiri: Xakimova Shaxnoza Erkinovna

Qabul vaqtlari: Har kuni 10:00-12:00

Tel.: +998977069757

E-mail: sharona84@mail.ru

Kafedra tarixi: O‘zDJTU O‘zbekistonda Xitoy tili mutaxassislarini tayyorlashda muhim ta’lim muassasalaridan biri hisoblanadi.

O‘zbekiston davlat jahon tillari universitetida 1990-yildan boshlab xitoy tili o‘qitiladi. Avvaliga O’zDJTUda Rus tili fakultetida Xitoy tili mutaxassisligi bo‘yicha guruh ochildi. Keyinchalik, 1991-yildan boshlab “Tarjima nazariyasi va amaliyoti” hamda “Ingliz filologiyasi” fakultet talabalariga xitoy tili ikkinchi til sifatida o‘rgatila boshladi. Bugungi kunga qadar 300  nafarga yaqin universitet talabalari xitoy tilini ikkinchi til sifatida o‘rganmoqda.

O‘zbekiston va Xitoy Xalq Respublikasi o‘rtasida diplomatik munosabatlar o‘rnatilishi munosabati bilan Xitoy tilini bo’yicha mutaxassislarga ehtiyoj sezilarli darajada oshdi. O‘zbekiston Respublikasi Prezidentining 2008-yil may oyida PQ-868-sonli qarori bilan xitoy tili bo‘yicha asosiy yo’nalish sifatida talabalar tayyorlash maqsadida 2010-yil 1-apreldan boshlab Xitoy filologiyasi kafedrasi ochildi. 2014-yilda Xitoy tili nazariyasi va amaliyoti kafedrasi tashkil topdi va bugungi kunda ushbu kafedra Sharq filologiyasi fakulteti tarkibida faoliyat olib bormoqda.

Xitoy tili nazariyasi va amaliyoti kafedrasining ta’lim yo’nalishi:

1. 60230100 Filologiya va tillarni oʼqitish (xitoy tili)

2. 5120100- Filologiya va tillarni oʼqitish (xitoy tili)

3.  70230101- Lingvistika (xitoy tili)

Bugungi kunda 60230100 - Filologiya va tillarni oʼqitish (xitoy tili), 5120100 - Filologiya va tillarni oʼqitish (xitoy tili) taʼlim yoʼnalishi boʼyicha 400 nafar talaba, 70230101- Lingvistika mutaxassisligi boʼyicha 23 nafar magistrant tahsil olmoqda, undan tashqari 300 dan ortiq talaba xitoy tilini ikkinchi til sifatida oʼrganmoqda. Xitoy tili nazariyasi va amaliyoti kafedrasining asosiy maqsadi xitoy tili, Xitoy adabiyoti, tarixi, geografiyasi, madaniyati, O’lkashunoslik, tarjima nazariyasi va amaliyoti, va Xitoy filologiyasi bo‘yicha chuqur bilimga ega Xitoy tili mutaxassislarini tayyorlashdan iborat.