O`zDJTU rektori ko`makka muhtoj yoshlar holidan xabar oldi.

Oʻzbekiston Respublikasi Prezidentining “Oʻzbekiston- 2030“ strategiyasini “Yoshlar va biznesni qoʻllab-quvvatlash yili” da amalga oshirishga oid davlat dasturi toʻgʻrisida" 2024-yil 21-fevraldagi 37-son Farmonining 1-bandida alohida ishlash talab etiladigan yoshlarni masʼul rahbarlarga nomma-nom biriktirish amaliyotini joriy etish vazifasi belgilangan.

Shunga koʻra, OʻzDJTU rahbariga ham “Yoshlar balansi” asosida birinchi navbatda yordamga muhtoj boʻlgan, eʼtibor talab etuvchi 25 nafar yoshlar biriktirilgan.

5-aprel kuni universitet rektori I.Tuxtasinov poytaxtimizning Uchtepa tumaniga tashrif buyurdi va tumanning "Birlik", "Davlatobod" va "Katta Qa'ni" mahallasida boʻlib, u yerda istiqomat qilayotgan koʻmakka muhtoj yoshlar bilan uchrashdi.

Mahalla guzarida yoshlar, ularning ota-onalari va mahalla vakillari bilan suhbatlashib, koʻmakka muhtoj yoshlarning ehtiyojini soʻradi hamda har oyda ularning holidan xabar olib, zarurat tugʻilgan barcha mahsulot va yordamlarni yetkazib berishini taʼkidladi.

2024-04-08 01-17